SPIDER MAN مشرف
عدد الرسائل : 74 الموقع : !!__--SPIDER MAN--__!!! العمل/الترفيه : محاربه الجريمه المزاج : شبك عنكبوت تاريخ التسجيل : 13/02/2008
| موضوع: أشهر جمل بيقولوها الأب و الأم في مصر الخميس 21 فبراير - 21:10 | |
| أشهر جمل بيقولوها الأب و الأم في مصر
انت فاكرنا لاقين الفلوس ديـــ في الشارع .
ما تتكلمش بصوت عالي في الحمام .
والله ما انت فالح .. وادي دقني أهه .
ما تنمش غير لما تغسل سنانك .
ما تلزقش في التلفزيون كده .. نظرك هيضيع .
سلم على عمك كويس يا ولد .
يا ابني محدش هينفعك .
ما تطلعش ايدك من الشباك .
قصة الغريق الكاذب اللي كل مره يقول الحقوني ... لحد ما غرق بجد .
ربنا يرزقك بعيل يوريك اللي ورتهوني .
ما تطلعش على الملايه النظيفه و رجليك متوسخه كده .
نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟
طلع ايدك من جيبك و انت بتكلمني .
ايه الا مبالاه و الاستهتار اللي انت عايش فيهم دول .
قوم اقرا لك كلمتين ينفعوك .
وطي المدعوق ده شويه .
انت فاكرنا نايمين على ودانا ؟
يا ابني انت مسطول ولا ايه ؟
ما تلبسش القميص على اللحم زي العيال الصايعه .
بلاش أكل بره .
كلمنا لما توصل .
عيـــب ... لازم تحترم اللي أكبر منك .
لو شفت خناقه ما لكش دعوة بيها .
لازم تأكل سلطه .
اوعى تكدب عليا كده تاني مرره .
اوعى حد غريب يديلك حاجه تاكلها و تشربها و تاخدها منه .
يا ابني كلم خالتك العيانه اسأل عليها .
بلاش لعب في الشارع .
ما تعليش صوتك .
وانت فاكر احنا مستنيين منك حاجه .
المسلسل مش هينفعك ...قوم .
ما تقعدش قدام المروحه وانت مستحمي .
كفايه رغي في التليفونات .
بلاش وقفة الشبابيك و البلكونات .
اوعى تقول لحد هات لي حاجة .
كل على مهلك .. وامضغ كويس ... وما تكلش وانت واقف .. وكل من قدامك ما تحفش .
اطفي التلفزيون وقوم ذاكر
ربنا يهديك ربنا يهديك ...
صليت العصر ؟!
ما تمشيش حافي في السقعة دي
ما فيش مذاكرة على المزيكا .. أو .. بتذاكر إزاي و البتاع ده شغال جنبك .
افرد ظهرك .
ما تتأخرش بعد المدرسه و تقعد تصيع مع أصحابك .
بص كويس و انت بتعدي الشارع .
ومالها الكتب بتاعة الوزاره ؟!
اللي بيشيل قربه مخرومة بتخر عليه لوحده ..
لو مش فاهم حاجه ارفع ايدك و قول للأستاذ مش فاهم .. متتكسفش .
تقعد في أول صف قدام السبوره .
ما تردش عليا .
مش عايز اسمع صوت .
مالكش دعوة بالسياسة .. وماتمشيش في مظاهرات .
وطبعا متنسوش الكلام ده علشان لما تكبرو تقوله لولادكو يارب يكون الموضوع عجبكو
| |
|
Nemo مدير المنتدى
عدد الرسائل : 173 العمر : 34 الموقع : !!__~~-Nemo-~~__!! العمل/الترفيه : الانترنت المزاج : رايق تاريخ التسجيل : 07/02/2008
| موضوع: رد: أشهر جمل بيقولوها الأب و الأم في مصر الجمعة 22 فبراير - 2:25 | |
| وانت فاكر احنا مستنيين منك حاجه . ما تردش عليا .
مش عايز اسمع صوت .
المسلسل مش هينفعك ...قوم . يا جامد | |
|
مصباح عضو
عدد الرسائل : 26 العمر : 58 العمل/الترفيه : رسام المزاج : سهران مع لحزن تاريخ التسجيل : 14/02/2008
| موضوع: رد: أشهر جمل بيقولوها الأب و الأم في مصر الأحد 24 فبراير - 23:23 | |
| اوعى تسمع كلام مصباح دة عايز يخدك منا | |
|
مصباح عضو
عدد الرسائل : 26 العمر : 58 العمل/الترفيه : رسام المزاج : سهران مع لحزن تاريخ التسجيل : 14/02/2008
| موضوع: رد: أشهر جمل بيقولوها الأب و الأم في مصر الأحد 24 فبراير - 23:24 | |
| خليك فى مصر هنا احسن من غيرة فاكر | |
|
FRHAAT مدير المنتدى
عدد الرسائل : 173 العمر : 37 الموقع : ღ ۩––––•(-• وحشـتيني •-)•––––۩ ღ العمل/الترفيه : بحضر نفسي للجيش المزاج : لا اله الا الله تاريخ التسجيل : 08/02/2008
| موضوع: رد: أشهر جمل بيقولوها الأب و الأم في مصر الإثنين 25 فبراير - 23:02 | |
| | |
|
مصطفى فرحات ســوبــــر
عدد الرسائل : 125 العمر : 32 العمل/الترفيه : طالب تاريخ التسجيل : 26/02/2008
| موضوع: رد: أشهر جمل بيقولوها الأب و الأم في مصر الخميس 28 فبراير - 21:49 | |
| هيخدو بالجزمة انشاء الله مشكووووووووووووور يا ريس MOSTAFA FRHAAT | |
|
هنا مشرف
عدد الرسائل : 49 العمر : 36 الموقع : www.google.com العمل/الترفيه : طالبه بالفرقه الرابعه بكلية التربية تاريخ التسجيل : 09/02/2008
| موضوع: رد: أشهر جمل بيقولوها الأب و الأم في مصر الأحد 6 أبريل - 21:41 | |
| حلو اوى والله كفايه رغي في التليفونات . | |
|